Հայաստանի արտարժույթի միջբանկային շուկայում 2025 թվականի դեկտեմբերի 22-26-ը գրանցվել է գործարքների ծավալի զգալի աճ, մասնավորապես՝ դոլարով և ռուբլով։ Եվրոյով գործարքները շարունակել են չիրականացվել։
Այս շաբաթվա ընթացքում դոլարային գործարքների թրենդը 74,2% անկումից ռադիկալ փոփոխություն կատարելով, աճել է 80%։ Նմանատիպ շրջադարձ է գրանցվել նաև ռուբլով գործարքների դեպքում, որոնց թրենդը 9,4% անկումից աճել է 4,2%։ Այս զարգացումը թույլ է տվել ռուբլով գործարքների շաբաթական ծավալին շարունակել գերակշռել դոլարային գործարքների նկատմամբ, սակայն խզման ցուցանիշը նվազել է՝ 2,1 անգամից մինչև 1,2 անգամ։
Հաշվետու շաբաթվա ընթացքում (դեկտեմբերի 22-26-ը՝ դեկտեմբերի 15-19-ի համեմատ) արտարժույթի ներբանկային շուկայում դոլարի առքուվաճառքն աճել է։ Եվրոյով և ռուբլով գործարքների դեպքում դիտվել է առքի աճի և վաճառքի կրճատման միտում։
Այս պայմաններում, դեկտեմբերի 22-26-ը դրամը սկսել է թուլանալ։ Դոլարի նկատմամբ դրամի փոխարժեքը նվազել է 381,8-ից մինչև 382 դրամ/1 դոլար, եվրոյի նկատմամբ՝ 446-ից մինչև 447,5 դրամ/1 եվրո, իսկ ռուբլու նկատմամբ՝ 4,71-ից մինչև 4,85 դրամ/1 ռուբլի։
Համեմատության համար, մեկ տարի առաջ՝ 2024 թվականի դեկտեմբերի 26-ին, դրամի փոխարժեքը դոլարի նկատմամբ կազմել է 397 դրամ/1 դոլար, եվրոյի նկատմամբ՝ 416 դրամ/1 եվրո, իսկ ռուբլու նկատմամբ՝ 3,93 դրամ/1 ռուբլի։ Այս տվյալները վկայում են դոլարի նկատմամբ դրամի տարեկան արժևորման և եվրոյի ու ռուբլու նկատմամբ արժեզրկման մասին։
